My Love Story (True Story)

Assalam o alikum

Boys and Girls yahan 1,2 storys ma ne aisi parhen hain jin ma zara sachai jaise chez nazar nahi ai mujhe.

Main yahan ap sab k sath apna personal experience share karny aya hoon, Mujhe ap logon ki duaon ki sakht zarorat hai.

Mera Naam Waqas hai or main 22 years ka hoon. Main 1 flirty kisam ka larka tha, matlb jab koi larki milni ya kisi larki se bat karny ka moqa milna tu main usko ye show karwany lag jata tha k main usko bht pasnd karta hoon or us main interested hoon, or mujhe larkion se dosti karny ka bhi boht shoq tha.
Almost meri koi 5,6 Girl friends hoon ge, lakin sab k sath flirt karta raha, lakin sirf baton tak, na hi mera koi ghalt irada tha or na koi ghalat herkat ki main ne.

Ma sab k sath us waqt tak rehta tha jab tak un se bore na ho jaun, or jab bore hota tu kisi na kisi bahany se un se break up kar leta, lakin break up bhi aise karta k unko zaiyada dukh na ho, or wo khud mujhe unko chorny ka kehty. Ab main apni love story start karny laga hoon.

Mera 1 bht hi acha dost hai us ki engagement 2 saal pehly apni Chacho ki traf hoi, jaisa k main n bataya k mujhe larkion se bat karny or dosti karny ka shoq tha is liye main ne apny dost se apni bhabhi ka number manga ta k un se baten kar sakon, or dost ne mujhe Bhabhi ka number day diya, Khayal rahy k Pakistan pyar,vyar ko koi ahmiat nahi di jati sirf ahmiat di jati hai tu apny rishty daroon ya baradri(caste) walon ko.

Ma n apni bhabhi k sath baten start kar den or woh mujhe achi bhi lagny lag gye as a Bhabhi, Lakin 1 din mujhe jan kar herani hoi k mery aadhy se zaiyada baton ka jawab meri bhabhi nahi Uski dost deti hai, mujhe pata aisy laga k 1 din bhabhi n mery sath sms pe 1 badtamezi ki, ma n bhabhi ko 2,4 suna den, or phir Bhabhi ne mujhe bataya k woh sms Bhabhi n nahi kiya tha, unki saheli n kiya tha, tu main ne Bhabhi ko kaha k mujhe apni saheli ka number den, tu Bhabhi ne ghabraty hoy day diya, phir main ne Bhabhi ki saheli ki achi trah khatir twazeh ki or woh mujh se sorry karny lag gye.

Phir main ne Bhabhi ki saheli jiska naam Samia(ap sab ki bhabhi) hai baten start kar den, or us se dosti karny ko kaha, jaisa k main n bataya k Pakistan ka mahol conservative hai is liye Girls ko chup kar bat weghera karni parti thi, is liye Samia ne mujh se 2 months tak phone pe bat nahi ki, or in 2 months ma main ne Samia ko flirt karna start kar diya, or wo sab girls ki trah meri baton ma aa ge, or mery flirt ko haqeqat samjhny lag gye, or main dil hi dil ma khush hota raha.

Phir her week ma 1 dafa Samia se meri 2,4 mints ki phone pe bat ho jati thi. Samia natute wise bht simple or sensitive larki hai or mujh se 3 saal bari hai. Samia or mujhe baten karty hoye abhi sirf 4 months hoye thy k meri Bhabhi n ye bat apny ghar bata di or phir Bhabhi k ghar walon ne Samia k ghar bata di. Dono ki famlies apas me bht close hain, is liye un logon ne decide kiya k woh log mujh ko bula kar milen gen or phir mujh se pochen gen k irada hai, phir Bhabhi logon ne mujhe apny ghar invite kiya, or Bhabhi ne mujhe sab kuch bataya, yad rahy k Bhabhi or Samia 300km door 1 city ma rehty hain or main ne na kabhi Bhabhi ko dekha tha us waqt tak or na Samia ko.

10 Nov,2008 ko Monday k din main un k sheher chal para, or ye mera 1st time akely kisi dosry sheher ma jany ka itefaq tha.

Jab main bhabhi k ghar pohancha tu wahan sab bht achi trah mile or achi trah se bat weghera ki, or Bhabhi k abu ne mujh se Samia k bare ma kuch questions pochy or main n sab bata k Samia or meri ye ye bat hoi hai or Uncle ko show karwaya k main Samia ko bht pasnd karta hoon. Or uncloe ko lagny lag gya k mery irady Naik or achy hain.

Phir Bhabhi ki pori family mujhe apny sath lay kar Samia k ghar chali gye, wahan kar ma sab se pehly Samia ki ammi se mila or phir ma Samia se mila. Samia ko pehli dafa dekh kar ma ghabra gya kyun k woh na hi khobsorat thi or mujh se bari bhi thi.

Or main dil hi dil ma ye sochny laga k ye kidher phans gya main. Aakhir phir Samia k sath unk ghar walon n meri Bhabhi ko bithaya or hamen kuch akely waqt diya, 2,3 minutess. or main ne is doran 1 dafa bhi apni nazren zameen se nahi uthayn, kyun k ma Samia ko dekh chuka tha or 2bara dekhny ki himmat nahi thi.

Phir ma wahan se wapis chala aya, or ghar aa kar Samia ko chorny k bahany talash karny laga, Samia k ghar walon ne mujhe kaha k apny parents ko bhejo, lakin main abhi study kar raha hoon i s liye mery parents n kabhi bhi meri bat nahi sunani thi. or main khud jan churana chahta tha Samia se.

Ma n bht bahany kiye lakin woh qaim rahi her bat pe, jaisa k main ne pehly bataya k woh Nature wise bht achi hai, ahista ashita mery dil ma ghar kar gye, or main bhi usko pasnd karny laga, isi doran 4 months guzar gye or Samia k ghar walon ne Samia ka rishta uski Khala k bety se kar diya,
or Samia bht pareshan ho gye, Lakin hum log apas ma baten kary rahy, main ne bhi ammi ko sab bat bata di thi, k main kisi ko pasnd karta hoon, Lakin mery ghar walon se saaf inkaar kar diya.
Samia ki ammi nahi chahti thi k Samia ki shadi family se out ho, isi wajah se unhano n Samia ka rishta pakka kar diya.

Samia ki ammi is liye Samia ki shadi family ma karna chahti thi kyun k Samia 7 years ki age se bemaar rahi hai, usko night blindness hai, or woh kabhi bhi sehat mand nahi hoi aj tak. Samia ko rat ma colors ka farq nahi pata chalta, or woh jis chez ko dekh rahi hoti hai sirf usko wohi nazar aati hai aas pass wali chezon ka ehsas bhi nahi hota, or usko dekhny k liye focus karna parta hai.

Samia ki bemari ki wajah se uski ammi uski life secure karny ki khatir family ma karna chahti thi.
Or Samia bhi apni ammi ki khushi ki khatir mujhe chorny pe tyar ho gye.

16 oct 2009 ko Samia ne mujhe usko chorny ko kaha, and Friends 16 Oct is my birthday.
Us rat ma itna roya jitna main zindagi ma kabhi nahi roya. Mujhe ye tak hosh nahi thi k ma kahan leta ro raha hoon.

Mujhe mery flirt karny ki saza mil rahi thi or ye bat mery dil ma thi. Friends ma 3 dafa Samia k sheher ja kar usko sirf darwazy ma se dekh k aa jata tha wapis, 8 hours ka safar kar k ma Samia ko sirf kuch lamhy hi dekh kar wapis aa jata tha, or main heran hota tha k mujhe kya ho gya hai

Friends 1 or bat bata dun apny bary main, ma un logon ma se tha k jis n kabhi apny ghar walon se pocket money nahi mangi thi, kyun k mujhe mangana acha nahi lagta phir chahy wo parents hoon.

Phir main Samia k ghar gya uski ammi se mila, Samia ki ammi ne mujhe Baton baton ma kahah k Samia k abu n ye rishta kiya hai or mujhe jhot bolti rahen, or main unki baten sun kar wapis aa gya, lakin next week main dobara Samia k ghar gya uski ammi se mila or us din Zindagi ma pehli Dafa ma ne kuch manga aunti se woh thi Samia. friends manga bhi kis trah k main apny knees pe bend ho gya or unk knees ko pakar kar rota raha or Samia ko mangta raha, lakin Samia ki ammi ko koi farq nahi para, or main rota rota wapis aa gya.

or Samia ne mujh se bat karna banda kar diya tha, lakin main koshish karta raha or Samia k mujhe din m 2,3 sms hi aty thy. pehly 300 sms aty thy lakin phir 2,3.

Ma n Samia ko bht samjhaya k wo mera sath day per wo nahi samjhi, or main uski din rat minten karta raha k sirf woh mera sath day main sab ko mana lun ga, per woh mera sath day. Lakin Samia nahi mani, phir ma n Samia ko se apni last wish ka izhaar kiya k main us se akely ma milna chahta hoon 10,15 mints k liye.

Samia ko ghar se bahir jany ki ijazat nahi thi kyun k uski nazar ka problem hai jaisa k main pehly bata chuka hoon.

Samia k kaha k woh koshish kary gi per wada nahi kiya, phir 1 din uska sms aya k main usko milny aa jaun or main 4hours ka jounry kar k us k pass pohancha, or us knees k pass beth kar us se faryad karny laga, or ap yaqeen nahi karen gen woh meri halat dekh kar rony lag gye. or mery samny roti rahi or main usko chup karwata raha, Us din Samia ko ma ne pehli dafa touch kiya tha.

or Samia k sath taqreban 45 mints tak raha, or usko himmat deny ki koshish karta raha, or friends jab main wapis aya tu mujhe bht khushi koi kyun k Samia maan gye thi mera sath deny k liye, or phir hum ne usk mangetor se bat ki or engagement torwai, or phir Samia k ghar waly maan gye, Lakin mery Abu nahi maan rahy hain, woh apni Caste se bahir nahi nikalna chahty hain.

Friends hamary liye dua kijiye ga, hamen apki duaon ki bht zarorat hai.

Time ki kammi ki wajah se end pe aa kar jaldi se close kar diya hai.

Duaon main Yad rakhye ga.

From site stories.pk